Yimfanelo ta Vutihlamuleri bya Vatekaxiave eka Xitsonga

Tsalwa ra Timfanelo na Vutihlamuleri bya Vatekaxiave eku sunguleni ri tsariwiele hi Xinghezi hi 2003. Ri pfuxetiwile hi 2007. Ri hundzuluxeriwile eka tindzimi to hlayanyana, hilaha ti longoloxiweke hakona laha hansi. Loko u lava ku teka xiave eka ndzavisiso wa Netiweke ya Mikambelo ya Nsawuto wa HIV (HIV Vaccine Trials Network (HVTN)), u ta nyikiwa khopi ya tsalwa leri hi rin’wana ra tindzimi leti, hi ku leteriwa hi hlawulo wa wena. Marito lama tirhisiweke eka tsalwa leri ya nga hambana switsongo na marito lama tirhisiweke laha hansi.

The Participants' Bill of Rights and Responbilities are available in the following languages:
Afrikaans | Bemba | ChichewaEnglish | Nyanja | SepediSetswana | ShonaSotho | Spanish | Swahili | Xhosa | Zulu | French | Portuguese

Timfanelo

Tanihi hi mungheneri wa ndzavisiso wa HVTN, u na mfanelo yo:

  • Kuma mahungu hinkwawo lama tivekaka, ku katsa na mixungeto leyi nga vaka kona na mivuyelo yo nghenela ndzavisiso, u swi hlamuseriwa hi ndlela leyi u nga ta yi twisisa. U ta hlamuseriwa hi mahungu man'wana na man'wana mantswa lama nga ta kumeka hi nkarhi wa ndzavisiso.
  • Ala ku joyina ndzavisiso kumbe ku tshika ndzavisiso nkarhi wun'wana na wun'wana. U nga tlhela u ala ku joyina milavisiso yo landzelerisa leyi u byeriwaka hayona. A wu nga lahlekeriwi hi timfanelo ta wena leti hlamuseriweke eka tsalwa leri loko u ala ku joyina ndzavisiso kumbe loko u wu tshika.
  • Mbango wa ndzavisiso wo pfumala xihlawuhlawu. Leswi u swi hlawulaka, nkoka, ripfumelo, na ndhavuko swi ta hloniphiwa hi vanhu lava fambisaka ndzavisiso.
  • Ku hundzisiwa ku ya kuma vukorhokeri bya switsundzuxo na nseketelo lowu nga kumekaka eka timhaka leti fambelanaka na ndzavisiso na ku sivela HIV.
  • Ku hundzisiwa ku ya kuma vukorhokeri bya switsundzuxo, nseketelo, na vutshunguri bya mavabyi lawa u vaka na wona hi nkarhi wa ndzavisiso.
  • Ku pfuniwa ku lulamisa swiphiqo leswi fambelanaka na ndzavisiso na/kumbe xihlawuhlawu. Loko hi ri na mpfumelelo wa wena, hi nga vulavula na vanhu lava u hi kombeleke leswaku hi tihlanganisa na vona ku hi hlamusela hi xitalo hi ku nghenela ka wena ndzavisiso.
  • Mitshungulo ya ku vaviska miri, loko yo tshuka yi ve kona, kumbe ya ku vaviseka loku fambelanaka ntsena na switirhisiwa kumbe maendlelo ya ndzavisiso, ku ya hilaha swi tsariweke hakona eka fomo leyi ya mpfumelo hi ku twisisa. Ku na mali yo hakela mitshungulo ya ku vaviseka loku. Ntlawa lowu langutisisaka timhaka ta vuhlayiseki hi nkarhi wa ndzavisiso wu teka xiboho xa ku fambelana ka ku vaviseka na ndzavisiso. U nga kombela leswaku xiboho xi langutiwa nakambe loko u nga pfumeleleni na xona. Eka timhangu tin'wana, swi nga endleka mali yi nga ringani ku hakelela vutshunguri hi ku hetiseka. Mitlawa leyi khumbekaka eka ndzavisiso yi nga kombela mali yin'wana loko swi fanerile, kambe a hi tshembisi leswaku va ta yi kuma. Mutirhi wa wena wa ndzavisiso u ta ku nyika vuxokoxoko byo tala hi mhaka leyi naswona u ta hlamula swivutiso leswi u nga vaka naswona kumbe ku ku hlanganisa na munhu loyi a nga swi thwasela leswaku a hlamula swivutiso swa wena.
  • Ku kamberiwa HIV ka mahala no pfumala swihoxo hi nkarhi wa ndzavisiso. Loko emakumu ka ndzavisiso wo kumeka leswaku u na HIV leyi vangiweke hi ndzavisiso ku nga ri hi ku tluleriwa, u nga kuma mikambelo yo landzelerisa etliliniki ya ndzavisiso ku fikela loko mikambelo ya wena yi komba leswaku a wa ha ri na HIV.
  • Ku pfuniwa hi ku fikelela ku tinyiketela eka ndzavisiso. Swilo leswi u faneleke ku swi kuma u ta swi nyikiwa eka ndhawu leyi u nga ta va u nghenele ndzavisiso eka yona.
  • Vuhundla. Mivulavurisano na tirhekhodo ta wena na ku nghenela ka wena eka ndzavisiso swi ta avelaniwa ntsena loko swi lavekela ku endla ndzavisiso, kumbe hilaha swi lavekaka hakona hi nawu. Ku kuma mahungu hi xitalo, vona fomo ya mpfumelo hi ku tiyimisela.
  • Ku nyikiwa khadi ra vutitivisi ra ndzavisiso leri kombaka leswaku u nghenele ndzavisiso. Khadi leri ri ta va ri ri na nomboro ya riqingho na/kumbe adirese ya munhu loyi a nga nyikaka mahungu man’wana lama nga lavekaka.
  • Hlayisa timfanelo ta wena ta xinawu. Tanihi mungheneri wa ndzingeto, a wu nga lahlekeriwi hi timfanelo ta wena.
  • Ku hlamuseriwa loko u kumile pulakhebo kumbe nsawutiso loko ndzavisiso wu hela, kumbe loko swi laveka eka vutshunguri.
  • Kuma mahungu ya ku humelela ka ndzavisiso, u byeriwa leswaku mivuyelo ya ndzavisiso yi ta va kona rini, na ku byeriwa hi mivuyelo.

Vutihlamuleri

Tanihi mungheneleriwa ndzavisiso wa HVTN, u na vutihlamuleri byo:

  • Languta nakambe na ku kombisa ku twisisa switirhisiwa hinkwaswo leswi u nyikiweke swona, ku katsa na matswalwa ya mpfumelo hi ku twisisa. Kombela ku hlamuseriwa mahungu waha kumbe waha lama u nga ma twisisiki u nga si nghenela ndzavisiso. Vutisa swivutiso hi nkarhi wa ndzavisiso.
  • Endla makungu ya loko u lava ku nghenela ndzavisiso endzaku ka ku languta swixungeto na mivuyelo. I swa nkoka ku tiva leswaku ndzavisiso i wa yini na leswaku wu ta endlisiwa ku yini. Vatirhi va ndzavisiso va ta ku pfuna hi vuxokoxoko lebyi. Loko u vona swi ta ku pfuna ku teka xiboho, vulavula na vanhu lava u va tshembakana ku va hlonipha hi loko ku joyina ndzavisiso swi ta va kahle eka wena.
  • Byela mutirhi wa ndzavisiso hi xihatla loko u va na xiphiqo xa xihlawuhlawu na/kumbe ku vavisiwa emoyeni hi vanhu van’wana loku u ehleketelelaka leswaku swi nga va swi fambelana na ku nghenela ka wena ndzavisiso.
  • U nga nyikeli ngati, swirho kumbe swihalaki swin'wana swa mirhi hi nkarhi wa ndzavisiso.
  • Endla swikambelo swa wena swa HIV eka ndhawu ya ndzavisiso ntsena loko ndzavisiso wu nga si hela. Loko u lava ku kamberiwa eka ndhawu yin'wana, vulavula na mutirhi wa ndzavisiso.
  • Loko ku ri leswaku u nga tika, papalata ku va muyimani hi nkarhi wa ndzavisiso hi ku tirhisa swisivelambeleko. Vatirhi va ta ku hlamusela hi swisivelambeleko leswi nga ku lulamela.
  • Landzelela tiapoyitimente ta wena ta ndzavisiso. loko u lava ku cinca siku ra apoyitimente, byela mutirhi wa ndzavisiso hi xihatla.
  • Hloniphani vatirhi va ndzavisiso
  • Vonaleswaku u hlayisa ku nghenela ka vanhu van’wana eka ndzavisiso tanihi hi.
  • Byela mutirhi wa ndzavisiso mahungu ya ntiyiso no helela lama fambelanaka na ndzavisiso. Byela mutirhi wa ndzavisiso hi ku cinca kun'wana na kun'wana ka vuxokoxoko bya vutihlanganisi kumbe rihanyo ra wena.
  • Landzelela swileriso swa mutirhi wa ndzavisiso swinene hilaha u kotaka hakona. Tirhisana na mutirhi wa ndzavisiso ku endlela leswaku rihanyo na vuhlayiseki bya wena swi tshama swi ri kahle hi nkarhi wa ndzavisiso.
  • Loko u nga ha koti ku ya emahlweni kumbe u kunguhata ku tshika ku nghenela ndzavisiso, byela mutirhi wa ndzavisiso hi xihatla.